Marka aad wax xifdiso, macluumaadkaas waxaa lagu kaydiyaa maskaxdaada, gaar ahaan qaybaha kala duwan ee la xiriira xusuusta. Habka xifdintu waa mid ka kooban tillaabooyin cilmi-nafsiyadeed iyo neerfayaasha maskaxda oo wada shaqeeya.
Maskaxda aadanaha waxay kaydin kartaa qiyaastii 2.5 petabytes oo macluumaad - wax ku eg 3 milyan oo saacad oo muuqaal TV ah!
Habka Xifdinta Maskaxda
- Xusuusta Kumeelgaarka ah (Short-Term Memory)
- Xusuusta Dheer (Long-Term Memory)
- Xogta La Xiriirsan Macnaha (Semantic Memory)
1. Xusuusta Kumeelgaarka ah (Short-Term Memory)
Marka aad wax cusub barato ama xifdiso, macluumaadkaas wuxuu marka hore ay galaan xusuusta kumeelgaarka ah. Tani waxay ku hawlan tahay qayb ka mid ah maskaxda oo la yiraahdo prefrontal cortex, taas oo ku taal hore ee maskaxdaada.
"Xusuusta kumeelgaarka ah waxay hayn kartaa macluumaadka qiyaastii 20-30 ilbiriqsi haddii aan lagu celcelin macluumaadkaasi"
2. Xusuusta Dheer (Long-Term Memory)
Haddii macluumaadka si joogto ah loogu celceliyo, maskaxdaadu waxay u wareejinaysaa xusuusta dheer. Tani waxay ku hawlan tahay qayb muhiim ah oo maskaxda ka mid ah oo la yiraahdo hippocampus.
Kaydinta
Macluumaadka cusub wuxuu isku beddelaa farriimo neerfaha oo maskaxdu keydiso
Soo Celinta
Maskaxda waxay adeegsataa isku xirnaanta neerfaha si ay u soo saarto xogta
Maxay Tahay Sababta Xifdinta Looga Hagaajiyo Celceliska badan?
- Waayo Ku celcelinta macluumaadka, dib u eegidda joogtada ahi waxay xoojisaa isku xirnaanta neerfaha maskaxdaada
- Haddii aad ku xirto waxyaabaha cusub aad baratay kuwii hore way xoojinaysaa xifdintaada
- Jimicsga ama dhaqdhaqaajinta maskaxda sida akhris, qoraal, iyo xalinta su'aalo adag lagu dhaqaajiyo, aad bay muhiim ugu tahay maskaxda xifdinteeda
"Macluumaadka aad xifdiso maskaxdaadu si caqli ah ayay u kaydisaa oo una maareysaa - Alle idamkii."
Si aad u xoojiso xifdintaada maskaxeed, waxaad raaci kartaa talooyinkan:
- Ku celceli macluumaadka maalin gudahooda iyo dhawr maalmood kadib
- Isticmaal sawirro, qoraal, iyo dhawaaq si aad ula xiriirto qaybo badan oo maskaxdadaa kamid ah
Gunaanadkii
Maskaxda aadanuhu waa qalab aad u cajiib ah oo Alle ku manaystay qof walba. Xifdinteedu waa mid la xoojin karo, la hagaajin karo, iyo la kordhin karo.
Marka aad wax baranayso, ku celceli, ku xir xogta cusub kuwa hore, oo isticmaal qaabab kala duwan oo barashada. Sidaas ayay maskaxdaadu si wanaagsan u xifdin doontaa macluumaadka.
Mahadsanid.
Mohamed Adan