"Too many distractions lead to a heavy mind." – Naval Ravikant
Feejignaantu waa awoodda maskaxdu ay diiradda ku saarto hawl gaar ah iyadoo iska indhatiraysa waxyaabaha kale ee carqaladayn kara.
Qarnigan casriga ah, dareenka aadanaha waxa uu noqday hantida ugu qaalisan, balse sidoo kalena waaba midka ugu nugul lumista.
Cilmi-baarisyo casri ah ayaa muujinaya in markaan mashquulno ama wax nalagu mashquuliyo, ay qaadato celcelis ahaan 23 daqiiqo in maskaxdu dib ugu soo noqoto heerkii feejignaan ee ay horay u lahayd.
Waxyaabaha Saameeya Feejignaanta
1. Dareen-kala-goys ah (Distractions)
Teknoolojiyada, fariimaha joogtada ah (notification), iyo baraha bulshada ayaa noqday maanta cadowga koowaad ee feejignaanta.
2. Daalka Maskaxeed (Cognitive Load)
Markay maskaxdu qabato hawlo badan isku mar (multitasking), awoodda feejignaantu hoos ayay u dhacdaysaa oo wey libdhaysaa.
3. Xaaladda Jirka iyo Maskaxda
Hurdo yaraanta, cunto aan dheellitirnayn, iyo walbahaarka joogtada ah waxay dhaawacaan awoodda diiradda.
4. Deegaanka Nolosha
Qol nadiif ah, iftiin qurux badan, iyo degganaan ayaa si weyn u taageeri kara in la heli karo feejignaan qoto dheer.
5. Niyaaadka iyo Ujeedada
Marka shaqada la qabanayo ay leedahay micno iyo ujeeddo dhab ah, feejignaantu si dabiici ah ayay u adkaataa oo u sii xoogaysataa.
Xidhiidhka Saynis iyo Nolosha Islaamka
Saynis ahaan, feejignaanta waa shaqo maskaxeed ku saleysan nidaamka prefrontal cortex oo go’aamiya waxa mudnaanta leh. Islaamka gudaheeduna, salaadda ayaa tusaale u ah tababar feejignaan. Qur’aanka Kariimka ah waxaa ku xusan:
Ah kuwa Salaaddooda ku Khushuuca.” (Al-Mu’minuun: 2)
Gabagabadii iyo Gunaanadkii
Maqaalkani wuxuu na xasuusinayaa in feejignaanta ay tahay kheyraad la ilaashado. Haddii aan doonayno horumar iyo maskax caafimaad qabtaba , waa inaan baranno sida loo yareeyo carqaladaha, loo ilaaliyo hurdada, loona yeesho ujeedo cad aan ka leenahay hawsha aan qabanayno.
Feejignaantu waa furaha aqoon wax tar leh iyo nolol miro dhal ah - Alle idamkii.
Back to Articles