️ Xisaabi Waqtiga Xifdintaada Qur'aanka
Ma dooneysaa inaad ogaato muddada ay kugu qaadan karto xifdinta Qur'aanka Kariimka ah? Qaybtan waxay kuu sharxeysaa sida aad si sahlan oo cad ugu xisaabin karto:
- Ku saley muddadaada tirada aayadaha ama bogagga aad maalintii xifdiso
- Dooro heerka dadaalkaaga (5 aayad, dhowr bog, ama wax u dhexeeya)
- Xisaabi muddada dhammaystirka iyadoo laga duulayo tirada guud ee Qur'aanka: 6,236 aayadood ama 604 bog
Marka aad ogaatid inta aad maalintii qaadan karto, waxaad si fudud u arki kartaa muddada ku hartay — Alle idamkii.
Haddaba qiyaas Muddada Xifdintaada ee Qur'aanka
Geli tirada aayadaha ama boggaga aad xifdinayso maalintii
Waqtiga aad ku dhammayn karto:
Tani waxay ku xiran tahay inaad si joogto aad ku xifdinayso, maaha inaad kala goynayso.
Waqtigu Wuu Kala Duwan Yahay
Xilliga lagu xifdinayo Qur'aanka wuu ku kala duwan yahay qof ilaa qof. Waxa ay ku xiran tahay:
- Heerka dadaalkaaga
- Inaad joogtaynayso
- Iyointa aayadood ama bog ee aad xifidi karto maalin kasta.
Marka laga hadlo xifdinta Qur'aanka, wax walba waxay ku xirnaanayaan niyadda, dulqaadka iyo joogteynta.
Aan ku soo xasuusiyo hadalkii Nabiga NNKH
Qofkii akhriya hal xaraf (hal xarf oo kaliya) oo ka mid ah Kitaabka Alle (Qur'aanka Kariimka ah)wuxuu helayaa hal ajar (hal xasanaad),Ajarkaas (xasanaddaasi) waxaa laga badiyaa 10 laab — taasoo ka dhigan in hal xasanaad uu noqonayo 10, ma oranayo alif laamiin baa xaraf ah, laakiin, alifku waa xaraf, laamku waa xaraf, miimkuna waa xaraf.
Sidaas darteed, qofkii akhriya (ألم) wuxuu helayaa 3 xasanaad, mid kasta oo la badiyay 10, taasoo laga dhigay 30 xasanaad.
Cajiib, bal kaarran hal aayad, hal bog
ama hal suurad ama ka badan, waa gallad xagga Alle inoogu timid.
Alxamdulilah.
Hagaag, kuwaan waa tilmaamo kaa caawin kara Xifdinta.
Waqti Go'an
Qorshaha waqti go'an oo aad maalin kasta ku xifdiso – sida subaxdii ama galabtii. waa mid wanaagsan..
Celcelis/ naqtin
Ku celcelinta waxa aad hore u xifdisay waa hab maskaxdu u xajisan karto u hayn karto xogta. Soo noqnoqoshadu waxay dhistaa xasuus adag.
Ku akhrinta Codkaaga
Marka aad akhrinayso, ku dhawaaqista si is maqashiin ah oo is maqashiiso codkaaga, waxay kaa caawinaysaa in aad maqasho qaladkaaga aadna xoojiso xifdinta.
Duco
Markasta ka billaaw ducada. Weydiiso Alle inuu kuu fududeeyo fahamka, xifdinta, iyo barakada cilmiga, Qur'aanka, waa nuuree.